قصيدة تدمع لها العين

[لودي الصغيرة]

السلام عليكم ورحمة الله وبركاته


قرأة في أحد المنتديات تلك القصيده المؤثره.. وحبيت أنكم تقرؤونها أنتم أيضاً..
بلا شك بأن هذه القصيده لها أحداث ولها قصّه..

ولكن للأسف لم أجد سوا القصيده مكتوبه دون ذكر قصتها..
ولكن الأكيد بأن القصيده تتحدث لنا عن قصتها..

فهي بنظري إنها قصيده جداً مؤثره..





يوم انشدوني عن دموعي وأنا امك
جاوبتهم وابعدتهم عن طواريك

مابغى أجرحك في كلمة تزيد همك
مابغى أقول إن السبب من تجافيك

يوم لمست الصدر في يوم ضمك
نسيت أنا إللي حولي وقمت أبكيك

مادري إنت عايش وأرتجي لمس جسمك
أو ميتن وأقول يرحمك واليك

ياما سهرت وزاد غمي لغمك
مارتاح ليمن تهتني في لياليك

وياما الى طوّلت نومك أشمّك
وأتأكد إنك عايشن لي ورجّيك

وياما إزعلوا مني خوالك وعمّك
ياما هجرت أقرب قريبن ضحك فيك

وياما إنتظرتك عند بابي وأنا إمك
وأقول في يومن تجيني وأحييك

أخاف من يومن يجيني يغمك
ويجيك علمي مع عزيزن يعزّيك

أنا على الله داخلة ثم لمّك
إرحم قليبن تالي الليل يشكيك

فكّر بمن هي صابها الضيم وظلمك
وأذكر حشا(ن) ضمّك وعسر المساليك

ودّي أشوفك قبل يومي و يومك
لو مرتن بالعام يالله يخليك

مابيك تقطعني إذا آمري يهمك
بقعد معك وأضحك وأسولف وأحاكيك

ياوليدي أذكر كلمتن قال ثمّك
لاقلت كلمة يوه قلبي يلبيك

وأذكر زمانن به فراشي بجنبك
ولا شكيت تقول يمّه و أسمّيك

ولاشتد مابك فوق كتفي أزمّك
مارتاح لحظة لين ربي يشافيك

والختم لاجتك الرسالة وأنا أمك
يمّه تجي ولأ أنا أزحف وأجيك


منـقـولــ...